Udhetim ne Budva, Kotorr, Manastiri i Ostrogut dhe Porto Montenegro

Udhëtim në Budva, Kotorr, Manastiri i Ostrogut dhe Porto Montenegro

Dita e 1- Manastiri i Ostrogut, Budva

Udhëtimi ynë fillon me takimin dhe nisjen nga Elbasani në orën 05:00. I drejtohemi Tiranës për të marrë pjesën tjetër te grupit. Në orën 06:00 nisemi nga Tirana drejt Malit të Zi. Kryejmë procedurat e verifikimit, i drejtohemi manastirit të Ostrogut me ndalesa të shkurtra përgjatë rrugës për kafe dhe tualet.

Mbërritja në Manastir rreth ores 11:00. Autobusi ndalon pranë fshatit dhe prej aty transporti bëhet me furgon lokal deri tek Manastiri. (opsionale 5€/person vajtje -ardhje).
Vizitojmë  Manastirin e Ostrogut, i pozicionuar lart në male pranë Niksic-it. Këtu do të gjeni vendin më të madh të pelegrinazheve në Malin e Zi. Ky manastir është ndërtuar në shekullin e 17-të. Relikat e shenjta të Shën Vasilit (shenjtori i cili ndërtoi manastirin) mund të gjenden në kishën e poshtme të manastirit të sipërm. Manastiri i Ostrogut u ndërtua nga bashkëveprimi natyror dhe njerëzor, i gdhendur pothuajse në tërësinë e tij në një shkëmb mali të pozicionuar vertikalisht.Padyshim një atraksion që nuk duhet lënë pa vizituar.

Pas vizitës së manastirit vazhdojmë udhëtimin tonë në drejtim të Budvas.
Vizitojmë qytetin e Budvës, qendrën e qytetit, rrugën e portit ku mund të shijoni një pije buzë detit, vizitë e qytetit të vjetër dhe kalasë. Më tej do të kemi kohë e lirë per të konsumuar drekën në një nga restorantet e shumta që ndodhen pranë pedonales. Vazhdojmë me procedurat e Check-in në hotelet tona. Akomodohemi në hotel, kohë e lire për të eksploruar dhe shijuar qytetin e Budvas.
Rikthehemi ne hotel per te konsumuar darkën.

Dita 2- Kotorr, Porto Montenegro

Konsumojmë mëngjesin në Hotel dhe pa humbur kohë nisemi drejt qytetit të Kotorit. Vizitojmë qytetin e vjetër të Kotorrit, muret rrethuese, shtëpitë, kishat e vjetra dhe qytetin plot histori. Kohë e lirë për të eksploruar, shëtitur dhe për kafe. Pas vizitave në Kotor, vazhdojmë rrugën në drejtim të Porto Montenegro,(Tivat) një ndër portet e jahteve më luksoze në Malin e Zi dhe Ballkan.
Shijojmë natyrën mbresëlënëse, një vizitë e shkurtër tek porti i jahteve dhe kemi kohë të lirë për drekë në Porto Montenegro dhe qytetin e Tivatit.
Përfundojmë vizitat, i drejtohemi Shqipërisë me ndalesa përgjatë rrugës.
Një ndalesë në një pamje panoramike për fotografi pranë ishullit të Shën Stefanit. Udhëtimit në Budva, Kotorr, Manastiri i Ostrogut dhe Porto Montenegro i ka ardhur fundi.
Mbërritja në Tiranë rreth orës 19:00 dhe Elbasan rreth orës 19:30.

Fundi sherbimit tone!