Ohri, “Jeruzalemi i Ballkanit”

“Ohri, Jeruzalemi i Ballkanit“

Ekskursioni “Ohri, Jeruzalemi i Ballkanit” është një aventurë e mrekullueshme që fillon me takimin me guidën tonë dhe nisjen nga Tirana në orën 06:00. Udhëtimi vazhdon, në Elbasan nga ku do të nisemi drejt Parkut Kombëtar të Drilonit për një ndalesë të shkurtër. Këtu do të shijojmë bukuritë natyrore të zonës dhe peisazhet piktoreske.

Monumenti natyror i Drilonit

Ky monument shkëlqen në çdo stinë, por veçanërisht gjatë pranverës . Pas kësaj ndalesë të këndshme, udhëtimi vazhdon drejt pikës kufitare të Tushemishtit.

Vizitë në Manastirin e Shën Naumit

Një tjetër pikë interesante në ekskursionin tonë do të jetë vizita në Manastirin e Shën Naumit, një ndërtesë e njohur për te krishterët ortodoksë si një vend mrekullibërës. Parku natyror rreth tij ofron peizazhe të mahnitshme dhe një atmosferë qetësuese.

Në vijim të udhëtimit, do te nisemi drejt qytetit të bukur të Ohrit. Në këtë qytet historik, do të vizitojmë qytetin e vjetër, pazarin, shetitoren buzë liqenit, monumentin e Shën Klementit, si dhe Shtëpinë & Muzeun Etnografik Robevci. Gjithashtu do të bëjmë një vizitë  tek  “dyqani i letrave”. I njohur që nga shekulli XVI, ku letra prodhohet ende me dorë nga artizanët e familjes Ljupco. Këtu do të kemi mundësinë te shohim  makinën e shkrimit Gutenberg. Kjo e fundit e njohur si një nga dy makineritë që ekzistojnë në botë.

Drejt fundit të një vizite të pasur me histori dhe kulturë ne Ohër, do të kemi kohë të lirë për të shijuar një drekë të shijshme në një prej restoranteve buzë liqenit të Ohrit.

Më tej, takimi me grupin dhe guidën për një udhëtim që vazhdon drejt qytetit të Strugës. Këtu, do të kemi kohë të lirë për një xhiro buze lumit të Drinit të zi dhe qendrës së Strugës. Ky ekskursion premton një përjetim të pasur në kulturë, natyrë dhe histori.

Pas përfundimit të kohës së lirë do të nisemi për kthimin drejt Shqipërisë duke kaluar nga dogana e Qafë Thanës.
Ekskursioni “Ohri, Jeruzalemi i Ballkanit” përfundon me mbërritjen në Elbasan dhe Tiranë rreth orës 20:00 të mbrëmjes.

Fundi i ekskursionit dhe shërbimit tonë!