Ohri i bukur, udhëtim në “Jeruzalemin” e Ballkanit

• Takimi dhe nisja nga Tirana pranë stadiumit “Dinamo” në orën 06:00.
• Takimi dhe nisja nga Elbasani përballë kalasë, pranë rrapit të Bezistanit në orën 06:45.

Ekskursioni Ohri Jeruzalemi i Ballkanit 

-Ekskursioni Ohri Jeruzalemi i Ballkanit fillon me takimin me guidën dhe nisjen në orën 06:00 nga Tirana duke ju drejtuar Elbasanit dhe më pas Parkut Kombëtar të Drilonit për një ndalesë të shkurtër për kafe. Pas ndalesës në Drilon guida turistike vazhdon drejt pikës kufitare të Tushemishtit.

-Pas përfundimit të proçedurave doganore nisja drejt Shën Naumit. Vizitë e Manastirit të Shën Naumit, i njohur nga të krishterët ortodoksë si mrekullibërës.Mundësi për fotografi pranë burimeve të liqenit të Ohrit

-Pas vizitës në Shën Naum, guida vazhdon me udhëtimin për në Ohër. Në Ohër do të vizitojmë qendrën e qytetit të Ohrit, dhe kohë e lirë për të eksploruar qytetin magjepsës të Ohrit. Mund të vizitoni qytetin e vjetër, monumentin e Shën Klementit, Pazarin e Vjetër, vizitë e Shtëpisë dhe Muzeut Etnografik Robevci, dyqani i famshëm i letrës i cili daton që në shek XVI. Në këtë shekull është prodhuar letra nga artizani i familjes Ljupco dhe makinën e shkrimit (GUTENBERG) më të vjetër në Europë.  Shtypshkronja e Gutenbergut është një nga dy ekzemplarët që ekzistojnë sot në botë. Njëra është në Ohër dhe tjetra në Muzeun e Frankfurtit.

-Kohë e lirë për të shijuar drekën në një prej restoranteve të shumta buzë liqenit të Ohrit.

-Takimi me grupin dhe guidën dhe nisemi drejt qytetit të Strugës.Kohë e lirë për një xhiro buzë lumit të Drinit të zi dhe qendrës së Strugës.

-Më pas nisja drejt Shqipërisë duke kaluar nga dogana e Qafë Thanës.

-Mbërritja në Elbasan dhe Tiranë rreth orës 20:00 të mbrëmjes.

Fundi i ekskursionit dhe shërbimit tonë!