Udhëtim në Prespë – 1 Ditë – 25€

🌿 Udhëtim Ditor në Ishullin Maligrad dhe Bukuritë e Prespës

Një ditë e bukur në natyrë të paprekur, histori dhe peizazhe mahnitëse! Ky udhëtim një ditor na çon në një prej destinacioneve më të bukura dhe të qeta të Shqipërisë – Prespën dhe Ishullin e Maligradit – ku natyra dhe kultura bashkohen për të krijuar një eksperiencë unike.

Pas nisjes herët në mëngjes nga Tirana dhe Elbasani, mbërrijmë në Ballkonin e Prespës, një pikë panoramike që ofron pamje spektakolare mbi liqenet dhe zonën përreth. Ky është një moment i shkurtër pushimi për të bërë fotografi dhe për të shijuar ajrin e pastër të natyrës.

Pas këtij momenti, udhëtimi vazhdon drejt Pustecit, një fshat i qetë dhe i ngrohtë, ku do të vizitojmë Kishën e Shën Mëhillit, një monument me rëndësi kulturore dhe shpirtërore që i përket traditës ortodokse të zonës.

Momenti kulmor i ditës është lundrimi me mjet ujor drejt Ishullit të Maligradit, një vend i rrallë natyror, ku gjendet Kisha e Shën Mërisë, e ndërtuar brenda një shpelle. Ky është një kombinim i jashtëzakonshëm i historisë dhe natyrës, që do t’ju dhurojë emocione të veçanta dhe një përjetim unik.

Pas kthimit nga ishulli, do të ndalemi për drekë në një nga restorantet tradicionale të zonës së Prespës, ku mund të shijoni gatime vendase, sidomos peshkun e liqenit dhe ushqime të freskëta bio.

Në kthim, do të bëjmë një ndalesë relaksuese në Lin, ku do të kemi kohë për të shijuar një kafe me pamje nga liqeni i Ohrit,  gjithashtu për të pushuar pak para se të nisim rrugën e kthimit.

🎒 I përshtatshëm për të gjitha moshat që duan të zbulojnë bukuritë natyrore dhe historike të Prespës.