Gjirokastra, “Qyteti i gurtë i shtëpive muze”

Gjirokastra, Qyteti i gurtë i shtëpive muze 

Udhëtim në Gjirokastër , “Qyteti i gurtë i shtëpive muze” fillon me nisjen nga Tirana në orën 06.00, Elbasani në orën 07:00.
Ndalesa përgjatë rrugës për kafe para mbërritjes në Gjirokaster. Teksa mbërrijmë në Gjirokastër do të kemi  kohe e lirë për konsumimin e drekës. Më tej do të bëjmë një vizitë në qytetin e “gurtë”.

E vendosur në Shqipërinë jugore, Gjirokastra qëndron në shpatet e pjerrëta të luginës së lumit Drino.Një pozicion mbisundues mbi një peizazh të pasur me histori, kufijtë e të cilit përvijohen nga maja malesh të larta. Ky është “qyteti i një mijë shkallëve” që përfshin qindra shtëpi-kullë të tipit osman me çatitë dalluese të gurta, ballkonet e drunjta dhe muret e gurta herë-herë të zbardhura me gëlqere. E mbisunduar nga ana e vet prej kalasë madhështore që ngrihet mbi një kodër të thiktë,Gjirokastra është një qytet magjik! Gjirokastra  eshte renditur si trashëgimi kulturore botërore, dhe mbrohet nga UNESCO.

Vizitë në Kalanë e Argjirosë dhe Muzeun e Armëve brenda kalasë. Në përfundim të vizitës së kalasë vazhdojmë me vizitë në qytetin e vjetër dhe qafën e pazarit.
Sipas dëshirës, vizitë në shtëpinë e Skendulajve, shtëpi karakterisitike e zonës. Kjo shtëpi është shpallur monument kulture dhe ne mund të  eksplorojmë arkitekturën e saj të vecantë. Në perfundim te vizitës së Gjirokastrës, vazhdojmë rrugëtimin drejt Tepelenës ku do të bëjmë një ndalesë në qendrën e qytetit.
Ekskursioni , Udhëtim në Gjirokastër përfundon me nisjen drejt Tiranës me ndalesa gjatë rrugës.
Mbërritja në Tiranë & Elbasan.

Fundi sherbimit tone!