Udhëtim 2 ditor në Ulqin, Kotor, Budva dhe Cetinje

DITA 1:

Udhëtimi nis herët nga Tirana dhe më pas Elbasani në drejtim të veriut të Shqipërisë e Malit të Zi.

Ndalesa jonë e parë është Ulqini, qyteti ku historia dhe Adriatiku takohen. Do të shëtisim nëpër Qytetin e Vjetër, mes mureve prej guri dhe rrugicave karakteristike, ndërsa nga lart do të kemi pamje të bukura mbi det. Është momenti ideal për të shijuar një kafe, për të bërë fotografi dhe për të marrë kontaktin e parë me atmosferën e Malit të Zi.

Më pas vijojmë udhëtimin drejt Kotorrit, përgjatë peizazheve spektakolare të bregdetit.Në Kotor na pret një nga pikat më të bukura të udhëtimit. Do të hyjmë në Qytetin e Vjetër, një labirint rrugicash prej guri, sheshesh të vogla, ndërtesash historike dhe monumentesh që ruajnë atmosferën e një qyteti mesjetar.Këtu do të kemi kohë për të eksploruar qytetin, për të shijuar një drekë tradicionale, një kafe në një nga sheshet karakteristike apo thjesht për të humbur për pak në rrugicat e tij.

Pasdite vazhdojmë drejt Budvës, ku do të akomodohemi në hotel. Mbrëmja është e lirë për ta shijuar qytetin sipas dëshirës. Mund të bëni një shëtitje në Qytetin e Vjetër, të ndiqni shëtitoren buzë detit ose të zgjidhni një nga restorantet lokale për një darkë të qetë.

DITA 2:

Mëngjesi nis në Budva, me kohë për të zbuluar më nga afër një prej qyteteve më të famshme të bregdetit malazez.

Do të shëtisim në Qytetin e Vjetër të Budvës, mes mureve historike, rrugicave të ngushta dhe ndërtesave prej guri. Pas shëtitjes do të kemi pak kohë të lirë për një kafe buzë detit ose për të shijuar atmosferën e mëngjesit në qytet.

Më pas largohemi nga bregdeti dhe udhëtojmë drejt Cetinjes, ish-kryeqytetit historik dhe mbretëror të Malit të Zi. Cetinje është një qytet me një karakter krejt tjetër. Më i qetë, tradicional dhe i pasur me histori, ai ruan gjurmët e periudhës kur ishte qendra politike dhe kulturore e vendit. Gjatë shëtitjes do të zbulojmë qendrën historike, ndërtesat karakteristike dhe disa nga monumentet më të rëndësishme të qytetit.

Pas vizitës në Cetinje, nisemi drejt Shqipërisë. Gjatë kthimit do të kemi një ndalesë të shkurtër për pushim dhe më pas vazhdojmë rrugëtimin drejt Tiranës.

Mbërritja në Tiranë dhe Elbasan shënon fundin e këtij udhëtimi mbresëlënës.

Udhtim 2 Ditë në Ulqin, Kotor, Budva dhe Cetinje