Paketa të kuruara me kujdes për çdo moshë dhe interes
Superior / 5
Price: €3,779.00
Dita 1: Arritja në Nairobi
Do ta nisim ditën tonë duke u takuar me guidën rreth orës 03:30 të mëngjesit në aeroport. Nisemi nga Aeroporti i Rinasit në orën 06:20 për në Frankfurt, ku do të kemi një tranzit prej 2 orësh e 45 minuta dhe më pas do të nisemi për në Nairobi në orën 11:25.
Pasi të mbërrijmë në Aeroportin Ndërkombëtar Jomo Kenyatta (JKIA) rreth orës 20:35, do të pritemi nga partneri ynë, i cili do të na çojë në hotelin tonë në Nairobi. Pasi të arrijmë në hotel, do të takohemi me udhërrëfyesin tonë lokal për një panoramë të detajuar, që do të na sigurojë të jemi plotësisht të përgatitur për një udhëtim të paharrueshëm safari.
Pasi të bëjmë check-in në dhomat tona, do të kemi kohë të lirë për t’u relaksuar dhe shijuar ambientin e Nairobi për pjesën tjetër të ditës.
Fjetja në Ole Sereni Nairobi 4*
Vaktet e përfshira : Darka
Dita 2: Eksplorimi i Parkut Kombëtar Nairobi dhe Qendra e Gjirafave
Do të nisemi në mëngjes për të vizituar Parkun Kombëtar Nairobi, një rezervat fantastik i egër që ndodhet në zemër të kryeqytetit të Kenias, Nairobi. Ky park ofron një mundësi unike për të përjetuar natyrën e egër, ndërkohë që qëndron pranë komoditetit të jetës urbane.
I themeluar në vitin 1946, Parku Kombëtar Nairobi është një nga rezervatet më të vjetra të egra në Afrikë. Parku mbulon një sipërfaqe prej 117 km² dhe është shtëpia e mbi 400 llojeve të zogjve dhe më shumë se 100 llojeve të kafshëve, përfshirë “Pesë të Mëdhenjtë” – luanët, elefantët, leopardët, bizonët dhe rinocerontët.
Një nga atraksionet kryesore të parkut janë hapësirat e gjera me bar, të cilat janë ideale për të vëzhguar kafshët e mëdha si luanët dhe bizonët. Ne do të bëjmë një udhëtim me makinë përmes parkut dhe do të kemi mundësi të afrohemi me këto kafshë të mrekullueshme, ndërsa shijojmë pamjet mbresëlënëse të horizontit të Nairobi-t.
Vizita në Qendrën e Gjirafave të Nairobi
Pas vizitës në park, do të drejtohemi për në Qendrën e Gjirafave të Nairobi, një qendër ruajtjeje e dedikuar mbrojtjes së gjirafave të rrezikuara të llojit Rothschild. Këtu do të kemi mundësinë të ushqejmë dhe të ndërveprojmë me gjirafat nga një platformë e ngritur, duke mësuar më shumë rreth sjelljes, habitatit dhe përpjekjeve për ruajtjen e tyre.
Në qendër do të ofrohen mundësi për ecje dhe aktivitete për vëzhgimin e zogjve. Gjithashtu, mund të bëjmë një shëtitje që na çon deri te disa ujëvara, një lum dhe një pikë vëzhgimi.
Pas kësaj, do të kemi mundësinë për një vizitë opsionale (40€) në Muzeun Karen Blixen, dikur shtëpia e autores së njohur e “Out of Africa”. I vendosur në rrëzë të Kodrave Ngong, kjo shtëpi fermë e ruajtur bukur ofron një pasqyrë të Kenias së epokës koloniale dhe të jetës, veprës dhe trashëgimisë së Karen Blixen. Gjatë turit, do të mësoni më shumë rreth jetës së jashtëzakonshme të Karen Blixen, e cila pati gjithashtu ndikim në historinë e vetë Nairobit, duke i dhënë emrin gjithë zonës “Karen” si një përkushtim ndaj saj.
Fjetja në Ole Sereni Nairobi 4*
Vaktet e përfshira : Mëngjesi, Dreka, Darka
Dita 3 & 4 : Eksplorimi i Parkut Kombëtar Amboseli
Pasi të nisemi herët në mëngjes, do të udhëtojmë drejt Parkut Kombëtar Amboseli, një destinacion safari i njohur për kafshët e egra të mëdha dhe bukurinë e jashtëzakonshme të peizazhit, ku veçanërisht do të shijojmë pamjen e mrekullueshme të Malit Kilimanjaro.
Amboseli është një nga destinacionet më të mira në Afrikë për të parë grupe të mëdha elefantësh të lirë. Ky park është një parajsë për dashamirët e natyrës, me një kombinim të peizazheve të hapura, pyjeve të drurëve, akacieve, shkurreve me gjemba dhe kënetave. Ai mbulon gjithashtu disa zona të liqenit të Pleistocenit dhe është dominues me zona të thata gjatë periudhave të shirave.
Një nga veçoritë unike të parkut është liqeni Amboseli, një liqen sezonal që ka qenë një liqen i përhershëm mbi 10,000 vjet më parë dhe kishte një thellësi prej 40 metrash. Sot, gjatë sezonit së thatësirës, liqeni thahet, ndërsa në periudhën e shirave mund të mbushet me ujë dhe ndonjëherë mund të përmbytet.
Parku ndodhet në kufirin mes Kenias dhe Tanzanisë, duke ofruar një mundësi të shkëlqyer për të përjetuar natyrën e paprekur në dy shtete të ndryshme të Afrikës, në rastin tonë, Kenya.
Fjetja në Kibo Safari Camp 4* dhe Voyager Safari Camp.
Vaktet e përfshira : Mëngjesi, Dreka, Darka
Dita 5: Safari në Parkun Kombëtar Tsavo West
Pasi të fillojmë ditën herët, do të nisemi për një eksperiencë safari emocionuese në Parkun Kombëtar Tsavo West, një nga parqet më të mëdha dhe të pasura me biodiversitet në Kenia, që shtrihet në juglindje të vendit dhe mbulon rreth 7,065 km². Ky park ofron një larmi të jashtëzakonshme peizazhesh, duke përfshirë konet vullkanike, burime natyrore dhe pamje spektakolare të natyrës.
Tsavo West është gjithashtu një vend i njohur për praninë e “Pesë të ” të Afrikës, të cilët mund t’i shohim në lëvizje gjatë safari-t. Përveç këtyre, parkun e karakterizon një mori e kafshëve të tjera, si hipopotamët dhe krokodilët, të cilët jetojnë në liqenet dhe lumenjtë e parkut. Ndërsa eksplorojmë këtë peizazh të pasur, do të kemi mundësinë të shijojmë panoramat mahnitëse dhe të afrohemi me jetën e egër të këtij parku.
Fjetja në Voi Wildlife Lodge 4*
Vaktet e përfshira : Mëngjesi, Dreka, Darka
Dita 6: Safari në Parkun Kombëtar Tsavo East
Pas një mëngjesi të freskët, do të nisemi drejt Parkut Kombëtar Tsavo East. Ky park mbulon rreth 13,747 km² në juglindje të Kenias dhe është i njohur për hapësirat e tij të mëdha të hapura, peizazhet e thata dhe lumin Galana që kalon përmes tij.
Tsavo East është një park e pasur për një larmi të gjerë kafshësh, duke përfshirë elefantët, luanët, leopardët, bizonët dhe një numër të madh zogjsh. Një nga pamjet më të bukura të parkut janë fushat e shtruara me baobao, që ofrojnë një mundësi të shkëlqyer për fotografi të natyrës dhe safari. Lumi Galana është gjithashtu një pikë kyçe për vëzhgimin e kafshëve, ku shpesh mund të shohim krokodilë dhe hipopotamë duke notuar në brigje. Ndër karakteristikat gjeologjike të rëndësishme janë Shkëmbi Mudanda dhe Ujëvara Lugard, të cilat janë atraksione të shkëlqyera për t’u eksploruar.
Për të përfunduar ditën, do të mund të shijojmë një safari të paharrueshme me makinë, shëtitje të udhëzuara dhe mundësi për vëzhgimin e zogjve në këtë peizazh të mahnitshëm të natyrës. Tsavo East ofron një eksperiencë autentike safari, larg nga qytetet dhe plot me bukuri të paprekura.
Fjetja në PrideInn Flamingo Beach Resort & Spa 4*
Vaktet e përfshira : Mëngjesi, Dreka, Darka
Dita 7: Ditë Pushimi & Aktiviteti Opsional
Në këtë ditë, do të kemi kohë të lirë për të shijuar pushimin dhe për të eksploruar mundësitë që na ofron Mombasa.
Vizitë në Parkun Detar Mombasa (Aktiviteti Opsional)
Nëse dëshirojmë të shtojmë një aventurë në ditën tonë, mund të zgjedhim një ekskursion gjysmë-dite në Parkun Detar të Mombasa, i njohur për ujërat e tij kristal të pastra, koralet shumëngjyrëshe dhe jetën e pasur detare. Gjatë këtij ekskursioni, do të mund të shijojmë një shëtitje me varkë të hapur, ku do të shohim peshq vibrantë, breshka uji dhe pamje të mrekullueshme nën ujë.
Përveç kësaj, mund të notojmë, të bëjmë zhytje ose thjesht të relaksohemi në plazhet e bardha me rërë. Ky aktivitet i shkurtër është një mundësi ideale për të shpërndarë stresin dhe për të kaluar një moment magjik në natyrën e pasur të oqeanit Indian, duke e bërë ditën perfekte për t’u shtuar në pushimet tona në bregdetin e Mombasës.
Fjetja në PrideInn Flamingo Beach Resort & Spa 4*
Vaktet e përfshira : Mëngjesi, Dreka, Darka
Dita 8: Ditë Pushimi & Aktiviteti Opsional
Kjo ditë do të jetë një mundësi tjetër për t’u relaksuar dhe shijuar ambientin e qetë të Mombasës, por gjithashtu mund të zgjedhim një aktivitet opsional për të zbuluar bukuritë natyrore të Kenias.
Vizitë në Shimba Hills dhe Ujvarat Sheldrick (Aktiviteti Opsional)
Nëse duam të shtojmë një tjetër aventurë, mund të eksplorojmë Shimba Hills National Reserve, një thesar i fshehur afër bregdetit të Kenias. Ky rezervat natyror ofron pamje mahnitëse dhe mundësi për të parë antilopa të rralla, elefantë dhe një larmi të pasur zogjsh. Gjatë një shëtitjeje të udhëzuar, do të kemi mundësi të shikojmë bukurinë marramendëse të Ujëvarave Sheldrick, ku uji i ftohtë rrjedh përmes shkëmbinjve dhe formon një pishinë relaksuese, duke krijuar një kombinim perfekt mes aventurës, jetës së egër dhe qetësisë natyrore.
Fjetja në PrideInn Flamingo Beach Resort & Spa 4*
Vaktet e përfshira : Mëngjesi, Dreka, Darka
Dita 9: Transferimi në Aeroportin Mombasa për në Tiranë
Në këtë ditë, do të përfundojmë aventurën tonë dhe do të transferohemi nga PrideInn Flamingo Beach Resort & Spa në Aeroportin e Mombasës për fluturimin tonë drejt Tiranës në orën 11:25. Do të kemi mundësinë të reflektojmë mbi kujtimet e mrekullueshme që krijuam gjatë këtij udhëtimi të jashtëzakonshëm, ndërsa kthehemi në shtëpi plot eksperienca të paharrueshme.
