Udhëtim në Egjipt
Vizitë në Piramidat e Gizës dhe krociere në Nil.

Dita e parë, 21 Maj: Tirana – Cairo

Nisja nga Tirana dhe mbërritja në Cairo. Takimi dhe asistenca në aeroport  me partnerët tanë. Transferohemi drejt hotelit.
Akomodimi dhe fjetja në Cairo.

Dita e dytë, 22 Maj: Krocierë në Nil – High Dam – Liqeni Naser – Tempulli Philae

Konsmumojmë mëngjesin dhe transferohemi drejt aeroportit për të marrë fluturimin për në Aswan.
Mbërrijmë në Aswan dhe nisim turin për të vizituar:
High Dam dhe Liqeni Nasser.

High Dam (Diga e larte) u ndërtua nga Britaniket në vitet 1898 – 1902. Në atë kohë ishte Diga më e madhe në botë, lartësia e të cilës u ngrit dy herë më shumë me qëllim për të kontrolluar prurjet e mëdha të lumit. Duke u shtrirë rreth 500 km nga Diga dhe me një thellësi mbi 180 metra, Liqeni Nasser është Liqeni më i madh artificial në botë. Krokodilët popullojnë më së shumti këtë liqen dhe janë një nga atraksionet më të rendesishme për të gjithë vizitorët.

Tempulli Philae: Në qendër të kultit të Isis, Ishulli Philae ka qenë një vend shumë i rëndësishëm pelegrinazhi për adhuruesit e tij deri në fillimin e Kristianizmit. Nga ky ishull besohej që Perendesha Isis vëzhgonte ishullin e shenjtë Biga, ku ishte varrosur burri i saj Osiris. Për tu vizituar në ishull janë Tempulli Isis, Porta e Hadrianit, Tempulli Hathorit, Tempulli i Trojanit, i Augustit dhe rrënojat e Dioklecianit.
Përfundojmë turin dhe transferohemi për në Krocierë.
Darka dhe fjetja në Krocierë.

Dita e tretë, 23 Maj: Krocierë në Nil – Kom Ombo

Gjatë lundrimit me Krocierë do të shijojmë pamjet e mrekullueshme të brigjeve të Nilit, të marrim rreze dielli dhe të freskohemi në pishinë. Hamë drekën dhe do të ndalojmë për të vizituar qytetin Kom Ombo, një qytet i këndshëm agrokulturor. Do të vizitojmë Tempullin e Kom Ombo, dedikuar 2 Zotave, Haroeris dhe Sibek. Aty do të shohim “mumjet” e krokodilëve të sjella nga varrezat e krokodilëve aty pranë.
Kthimi në Krocierë ku mund të shijojmë darkën dhe të vazhdojmë lundrimin.

Dita e katërt, 24 Maj: Krocierë në Nil – Edfu -Tempulli i Horus – Bregu lindor i Luxorit

Konsumojmë mengjesin dhe ankorohemi për të vizituar qytetin Edfu dhe Tempullin e Horusit. Ky qytet ndodhet pothuaj në mes të distances midis Aswan dhe Luxor.
Tempulli i Horusit, pothuaj 2000 vjet  vjetër, i varrosur në rërë, është një nga tempujt më të mëdhenj Ptolemaik në Egjipt, ndërtuar në vitin 237 BC.
Do të vazhdojmë lundrimin për në Luxor dhe më të mbërritur në Luxor do të lëmë anijen për të vizituar Bregun Lindor.

Tempulli i Karnakut është ndalesa e parë dhe me pas Tempulli i Luxorit, në cdo metër katror të të cilit ka histori. Ndryshe nga cdo tempull tjetër në Egjiptin e Lashtë, ky tempull gjigand nuk i kushtohet asnjë Zoti, Kulti apo Faraoni, por i kushtohet procesit të ripërtëritjes mbretërore, ku bëheshin kurorëzimet e mbretërve. Koha më e bukur për ta vizituar këtë tempull është mbrëmja.
Transferohemi në Krociere dhe darkojmë.

Dita e pestë, 25 Maj : Krocierë në Nil – Bregu Perëndimor i Luxorit – Cairo

Konsumojmë mëngjesin dhe do të vazhdojmë vizitën në Bregu Perendimor të Luxorit.
Lugina e Mbretërve është ndalesa e parë. Kjo luginë ka qenë varreza e Mbretërve gjatë periudhës së Mbretërise së re te Faraonëve (1500 BC). Lugina përmban varret me korridorë të gjatë dhe dhoma të gërrmuara thellë në kodrat e Thebanit. Po ashtu do të vërejmë muret e vizatuar, zbukuruar me simbole dhe piktura te ritualeve të vdekjes & jetës pas vdekjes.

Tempulli i Mbretëreshës Hatshepsut, i dizenjuar nga arkitekti i saj Senenmut gjatë dinastisë së 18-të është një monument i jashtëzakonshëm që ngrihet nga siperfaqja e shkretëtirës në një sërë tarracash madhështore.
Kolosat e Memonit, 2 statujat madhështore 18 metra të larta të Amenhotepit të III-te, janë të parat monumente që bien në sy të vizitorëve sapo arrijnë në Bregun Perendimor.
Përfundojmë turin,  transferohemi në aeroport për të marrë fluturimin për në Cairo.
Mbërrijmë në Cairo , akomodohemi në hotel.

Dita e gjashtë, 26 Maj: Cairo – Piramidat e Gizës – Muzeu Egjiptian

Dita jonë nis me një mëngjes të bollshëm. Pas mëngjesit do të fillojmë turin tonë duke vizituar Piramidat e Egjiptit të lashtë.

Piramidat e Gizës janë nga monumentet më të rëndësishme te periudhes parahistorike në botë. Ato përbëhen nga tre Piramidat e Mëdha (Keopsi, Khafre, Menkauri) dhe të paktën gjashtë të tjera më të vogla. Po ashtu aty gjenden disa monumente të tjera të rëndësishme si Sfinksi i Madh dhe Lugina e Tempujve.

Piramida e Madhe: Kjo piramidë është më madhështorja dhe më e vjetra në botë . E ndërtuar nga Dinastia e 4-rt Khufu (2589 – 66 BC), përbëhet nga rreth 2 milionë blloqe guri, secili me një peshë rreth 2.5 ton, duke përfshirë dhe disa blloqe të bazës që mendohet të peshojnë rreth 15 ton secili. Ky ndërtim i jashtëzakonshëm ka mbajtur vendin e parë në botë si ndërtesa më e lartë deri në shek 19-të.

Sfinksi i Madh: I gdhendur në një shkëmb natyral është një nga monumentet më të mëdhenj në botë.

Lugina e Tempujve të Faraonit Khafre: Ky vend shërbente si porta për të shkuar tek piramida duke kaluar në një rrugë të gjatë dhe kryesisht të mbuluar. E varrosur në rëre për shekuj, u zbulua vetëm në vitin 1852 nga Auguste Mariette.

Ndalesa tjetër do të jetë Muzeu Egjiptian ku do të shikojmë mijera artefakte, koleksione dhe statuja të artit të lashtë Egjiptian.
Më tej do të vizitojmë Khan El Khaili, tregu i artizanëve.
Përfundojmë turin dhe transferohemi drejt Hoteli në Cairo.

Dita e shtatë, 27 Maj: Cairo – Tiranë

Konsumojmë mëngjesin, transferohemi drejt aeroportit të Kairos për të marrë fluturimin për në Tiranë.