Magjia e Tempujve: Udhëtim në Tajlandë

Dita e parë : Tiranë – Bangkok

Nisja nga Tirana në 11:30 me fluturimin  drejt Bangkok-ut

Dita e dytë : Bangkok

Mbërritjmë në Bangkok në 11.30. Pritja nga partnetrët tanë dhe transferohemi për në hotel. Akomodimi në hotel dhe mbrëmje e lirë.

Dita e tretë : Bangkok – Chiang Rai – Hmong

Konsumojmë mëngjesin në hotel dhe nisemi drejt aeroportit për të marrë fluturimin për në Chang Rai.
Mbërrijmë në Chang Rai dhe vizitojmë Tempullin e Bardhë, i cili me një arkitekturë mahnitëse tërheq vizitorët nga e gjithë bota me bukurinë e tij përrallore.
Pushojmë pak kohë per  të shijuar kuzhinën tajlandeze në një restorant vendas.
Vizitojmë Tempullin Blu, i cili për shekuj vazhdon të mahnisë vizitorët me atmosferën e tij qetësuese dhe bukurinë e kombinimit të ngjyrave blu dhe flori.

Vazhdojmë me vizitë në fshatin Karen, i cili ofron një eksperiencë kulturore të pasur duke i lejuar vizitorët të “zhyten” në traditën dhe mënyrën e jetesës së popullit Karen të fiseve të ndryshme si Akha, Lahu, Kayaë dhe More.
Transferohemi në hotel, akomodohemi dhe mbrëmje e lirë.

Dita e katërt : Trekëndëshi i Artë – Muzeu i Opiumit – Chiang Mai

Konsumojmë mengjesin dhe nisemi për në Chiang Saen, në zonën e Trekëndëshit të Artë.
Trekëndëshi i Artë është vendi ku takohen kufijtë e tre shteteve të ndryshëm (Tajlanda, Laos dhe Myanmar në lumin Mekong).
Do të shijojmë këtu një shëtitje me varka përgjatë lumit Mekong duke admiruar panoramëm e Tajlandës nga njëri krah dhe të Laos & Myanmar nga krahu tjetër.

Vizitojmë Muzeun e Opiumit ku do të njihemi me historinë e  kultivimit dhe efektit të opiumit në zonën e Trekëndëshit të Artë.
Do të shijojmë drekën në një restorant vendas dhe do të vazhdojmë udhëtimin në Chiang Mai. Një udhëtim me pamje të mrekullueshme që zgjat rreth 4 orë.
Gjatë rrugës do të bëjmë një ndalesë në burimin me ujra termale Mae Kachan ku do të shohim sesi vendasit ziejnë vezët në ujin e burimit.
Akomodohemi në hotel dhe mbrëmje e lirë.

Dita e pestë : Doi Suthep dhe Chang Mai

Shijojmë mëngjesin në hotel dhe do të fillojmë ditën me një vizitë në Doi Suthep. Do të vizitojmë  Tempullin e famshëm Doi Suthep i cili është një nga objektet më religjoze të Tajlandës Veriore.
Vizitojmë fshatin kodrinor të fisit Hmong ku do të ekspolorojmë kulturën, normat dhe vlerat e tyre. Mund të provojmë dhe disa nga produktet & suveniret e tyre tradicionale.

Do të shijojmë drekën në një restorant lokal dhe do të vazhdojmë me vizitën në qytetin Chiang Mai. Gjatë kësaj vizite do të shohim muret e lashtë rrethues, Portën Tha Phae, Monumentin e Tre Mbretërve dhe Tempullin Wat Chedi Luang ndër të tjera vende interesante.
Vizitojmë më tej një nga tregjet tradicionale ku tregtohen ushqime tradicionale, suvenire dhe punime artizanale.
Akomodohemi në hotel dhe mbrëmje e lirë.

Dita e gjashtë : Chang Mai – Bangkok dhe Mbrëmje në anije

Konsumojmë mëngjesin dhe  nisemi drejt aeroportit të Chiang Mai për të marrë fluturimin për në Bangkok.
Mbërrijmë në Bangkok, akodohemi në hotel dhe kemi kohë e lirë. Pasdite do të shijojmë një mbrëmje në anije në lumin Chaophraya. Një darkë nën dritën e qirinjve me ushqim buffe , shfaqje muzikore , kërcime dhe këngë tradicionale Tajlandeze në sfond. Udhëtim në Tajlandë

Dita e shtatë : Tempujt e Bangkok dhe Canal Tour

Dita jonë nis me mëngjesin e shijshëm të servirur në Hotel. Pas konsumimit të mëngjesit në hotel nisemi në orën 08.00 për të vizituar:
Wat Phra Kaew  (Tempulli i Smeraldtë i Budës), një nga tempujt më të rëndësishëm në Tajlandë dhe Grand Palace, një kryevepër arkitekturore madhështore, dikur Pallati Mbretëror i Tajlandës.
Vazhdojmë vizitën në Wat Pho (Tempulli i Budës së shtrirë). Ky tempull është më i madhi në Bangkok ku në brendësi të tij ndodhet statuja 46 metër e gjatë e Budës së shtrirë.
Kohë e lirë për drekë në një restorant vendas.

Pasdite do te shijojmë një shëtitje mbresëlënëse me varka përgjatë kanaleve të Bangkokut, e njohur gjithashtu si “Venecia e Lindjes”. Do të zbulojmë në këtë shëtitje kanalet e fshehura të qytetit, dhe mënyrën tradicionale të jetesës së vendasve, shtëpitë e ndërtuara mbi hunj druri, tregjet dhe tempujt përgjatë kanaleve.

Do të vizitojmë më tej Wat Arun  (Tempulli i Agimit), ndërtuar në brigjet e Lumit Chao Phraya.  Ky tempull është gjerësisht i njohur për arktitekturën e mrekullueshme dhe për të shijuar një panoramë fantastike  të lumit dhe qytetit. Nisemi drejt aeroportit për të marrë fluturimin për në Tirane.
Nisja në 23.40