Përmet, Ersekë, Korçë dhe Pogradec – 2 Ditë – 70€

Udhëtim në Permet Erseke, Korce dhe Pogradec

Përgatituni për një udhëtim intensiv, frymëzues dhe plot emocione në një nga itineraret më të bukura që Shqipëria ofron! Bëhuni pjesë në një aventurë të paharrueshme që do t’ju çojë në zemrën e bukurisë natyrore dhe pasurisë kulturore të Shqipërisë jugore. Brenda vetëm dy ditësh, do të prekni historinë, natyrën, kulinarinë dhe kulturën e katër qyteteve magjepsëse që shpalosin thesaret më autentike të juglindjes shqiptare.
Nga Lugina e Përmetit me Ujërat Termale dhe Kanionet spektakolare, e tek Erseka me ajrin e pastër malor deri te Tregjet e Vjetra dhe atmosfera e ngrohtë e Korçës dhe relaksi pranë liqenit të Ohrit në Pogradec – ky është një udhëtim i mrekullueshëm dhe autentik.

Dita 1
Nisja herët në mëngjes shënon fillimin e një aventure drejt jugut të Shqipërisë. Përmeti, i njohur si “Qyteti i Luleve dhe i Ujit”, do t’ju ftojë të eksploroni thesaret e tij natyrore dhe historike. Banjo termale të ngrohta në Bënjë, Ura e vjetër e Katiut, dhe Kanioni i Lengaricës do t’ju magjepsin me bukurinë dhe qetësinë e tyre. Do të shëtisni nëpër rrugicat e qytetit të Përmetit, ku historia dhe kultura bashkëjetojnë në harmoni të plotë. Në Përmet, tradita e pasur e prodhimit të verës, recelrave dhe likerave artizanale trashëgohet me pasion nga brezi në brez. Shijoni verëra të rafinuara, recelra të bëra me fruta të egra dhe likerë arrash që mbartin aromën autentike të natyrës përmetare. Pas një dreke të këndshme në zemër të qytetit, udhëtimi vazhdon drejt Ersekës, një oaz malor ku qetësia dhe tradita ju presin. Darka tradicionale në një ambient mikpritës do të shënojë fundin e ditës së parë, duke ju ofruar shije tradicionale dhe ngrohtësi shpirtërore.

Dita 2
Ditën e dytë e nisim drejt Korçës, qytetit që ngërthen në çdo gur histori të pasur dhe art të rrallë. Pazari i Vjetër i Korçës me atmosferën e tij unike, Katedralja madhështore “Ringjallja e Krishtit” dhe Muzeu i Artit Mesjetar do t’ju zhytin në një epokë të lavdishme dhe artistike. Pas një dreke të këndshme në qytet, rruga vazhdon për në Pogradec, ku liqeni i Ohrit dhe ajri i freskët malor krijojnë një ambjent relaksi të vërtetë. Një shëtitje e ngadaltë buzë liqenit dhe flladi i lehtë do të përmbyllin këtë aventurë dy ditore, duke lënë pas një udhëtim plot ngjyra, shije dhe emocione.

Udhëtim në Permet Erseke