Udhëtim në Brazil – Rio de Janeiro, Ujëvarat Iguazu & São Paulo

Udhëtim në Brazil luksoz me Elite Travel Agency

Një vend ku ritmet e sambas takohen me qyteteve moderne, ku natyra krijon spektakel që të lënë pa fjalë dhe ku çdo ditë sjell një eksperiencë ndryshe.

Nga panoramat ikonike të Rio de Janeiros dhe statuja madhështore e Krishtit Shpëtimtar, te Iguazu dhe atmosfera e São Paulos, ky udhëtim është krijuar për ata që kërkojnë shumë më tepër sesa një pushim.

Për 7 ditë të plota në Brazil do të eksploroni tre nga destinacionet më ikonike, do të zbuloni historinë, kulturën, natyrën e këtij vendi të jashtëzakonshëm, ndërsa çdo detaj i udhëtimit është organizuar për t’ju ofruar rehati maksimale dhe një eksperiencë të paharrueshme.

Nëse Brazili ka qenë ndonjëherë në listën tuaj të ëndrrave, ky është momenti ideal për ta vizituar atë.

Dita 1 & 2 – Nga Tirana në Rio de Janeiro

Do të takohemi me guidën rreth orës 3 orë para nisjes në aeroportin “Nënë Tereza”. Nisemi drejt Rio de Janeiro me një tranzit në Frankfurt (për detaje të hollësishme rreth fluturimeve ju lutem shihni seksionin “Fluturimi”).

———————————–

Mbërritja në Rio de Janeiro shënon fillimin e një aventure të jashtëzakonshme. Pas transferimit në hotelin tuaj në zemër të Copacabanës, do të keni kohë të pushoni ose të shijoni atmosferën e një prej plazheve më ikonike në botë.

Pasdite do të zhvillojmë një shëtitje me guidë në lagjet Copacabana dhe Leme, ku do të njiheni me historinë e këtij bregdeti legjendar, shëtitoren karakteristike bardhë e zi të projektuar nga Roberto Burle Marx dhe panoramat e mrekullueshme mbi Oqeanin Atlantik.

Akomodohemi në Americas Copacabana Hotel 4*.

Dita 3 – Ikonat e Rio de Janeiros

Pas mëngjesit nisemi drejt disa prej atraksioneve më të famshme të qytetit.

Vizita panoramike pranë stadiumit legjendar Maracanã do t’ju afrojë me historinë e futbollit brazilian, ndërsa në City of Samba do të zbuloni sekretet e festivalit më të madh të karnavaleve në botë.

Pasdite ngjitemi me teleferik në Sugarloaf Mountain, ku një panoramë 360° zbulon Gjirin Guanabara, Copacabanën dhe horizontin e Rio de Janeiros, veçanërisht magjepsës në perëndim të diellit.

Akomodohemi në Americas Copacabana Hotel 4*.

Dita 4 – Nga Christ the Redeemer te kopshtet tropikale

Sot vizitojmë simbolin më të njohur të Brazilit.
Në majën e kodrës Corcovado na pret Christ the Redeemer, një nga Shtatë Mrekullitë e Reja të Botës, nga ku shihet një prej panoramave më mbresëlënëse të Amerikës Latine.

Më pas vazhdojmë përgjatë lagunës Rodrigo de Freitas dhe eksplorojmë Kopshtin Botanik të Rio de Janeiros, një oaz tropikal me qindra specie bimore ekzotike, palma perandorake dhe peizazhe që të ftojnë të ndalesh në çdo hap.

Akomodohemi në Americas Copacabana Hotel 4*.

Dita 5 – Ana autentike e Rio de Janeiros

Sot do të njiheni me një tjetër fytyrë të qytetit.

Me një Jeep Tour eksplorojmë Rocinha Favela, komunitetin më të madh të Rio de Janeiros, ku do të mësoni më shumë për jetën e përditshme, kulturën lokale dhe energjinë që karakterizon këtë lagje.

*Edhe pse Rocinha mirëpret vizitorë çdo ditë dhe këto ture zhvillohen rregullisht, është e rëndësishme të kuptohet se, si në çdo komunitet të madh urban, mjedisi është dinamik dhe herë pas here mund të lindin situata të paparashikuara. Nëse ndonjë rrethanë ndikon në sigurinë ose mbarëvajtjen e turit, itinerari mund të ndryshohet ose anulohet, duke pasur gjithmonë përparësi mirëqenien dhe sigurinë e klientëve tanë.

Më pas vizitojmë Santa Teresa, një nga zonat më artistike të qytetit, e njohur për rrugicat me kalldrëm, vilat koloniale, galeritë e artit dhe atmosferën boheme që e bën krejtësisht ndryshe nga pjesa tjetër e Rio-s.

Pjesa tjetër e ditës mbetet e lirë.

Akomodohemi në Americas Copacabana Hotel 4*.

Dita 6 – Nga Rio drejt Ujëvarave Iguazu

Udhëtim në Brazil vazhdon me transferimin në aeroport për fluturimin drejt Foz do Iguaçu.

Pas mbërritjes akomodohemi në hotel dhe përgatitemi për një nga eksperiencat natyrore më spektakolare që ofron Amerika e Jugut.

Akomodohemi në Viale Cataratas Hotel 4*.

Dita 7 – Mrekullia natyrore e Iguazu

Një ditë kushtuar një prej peizazheve më mbresëlënëse në botë.

Do të ecim përgjatë shtigjeve panoramike të Ujëvarave Iguazu, ku qindra ujëvara krijojnë një spektakël të jashtëzakonshëm mes pyllit tropikal.

Vizitojmë gjithashtu Birds Park, shtëpia e qindra specieve tropikale, dhe më pas përjetojmë emocionet e Macuco Safari, një aventurë që kombinon udhëtimin nëpër pyll dhe afrimin me varkë pranë ujëvarave.

Është një eksperiencë që rrallë harrohet.

Akomodohemi në Viale Cataratas Hotel 4*.

Dita 8 – São Paulo, metropoli i Brazilit

Pas fluturimit drejt São Paulos akomodohemi në hotelin tonë në zemër të qytetit.
Koha e lirë ju lejon të shijoni atmosferën moderne të metropolit më të madh të Amerikës Latine.

Akomodohemi në Blue Tree Premium Paulista Hotel 4*.

Dita 9 – Zbulimi i São Paulos

Në ditën e fundit zhvillojmë një tur panoramik nëpër lagjet dhe monumentet kryesore të qytetit.

Do të njiheni me historinë, kulturën dhe ritmin e jetës në São Paulo, një qytet ku bashkëjetojnë tradita nga e gjithë bota.

Pas drekës transferohemi drejt aeroportit për fluturimin e kthimit, duke marrë me vete kujtime nga një prej udhëtimeve më të veçanta në Amerikën e Jugut.

Udhëtim në Brazil