Udhëtim ne Egjipt, një përvojë mahnitëse që kombinon historinë mijëravjeçare të Egjiptit me luksin e një udhëtimi mbi lumin Nil. Ky itinerar do t’ju çojë nga Piramidat e famshme të Gizës dhe Muzeu i Madh Egjiptian, deri në tempullin magjik të Philae në Aswan dhe monumentet madhështore të Luksorit. Një aventurë që bashkon kulturën, misterin dhe magjinë e Egjiptit të lashtë.
Dita 1 : Tiranë – Kairo
Udhëtimi ynë nis me takimin me guidën rreth orës 07:00 në aeroport. Nisja nga Tirana në orën 10:05. Udhëtojmë drejt Athinës, mbërrijmë në orën 12:20. Marrim fluturimin për në Kairo në orën 18:00. Mbërritja në orën 19:55.
Me të mbërritur në Aeroportin Ndërkombëtar të Kairos, do të takohemi me partnerët dhe do të transferohemi në hotelin tonë për të bërë check-in. Pas një udhëtimi të gjatë, do të shijojmë një darkë të këndshme në restorantin e hotelit përpara se të pushojmë natën.
Fjetja në Swiss Inn Pyramids Golf 4*.
Vaktet e përfshira : Darka
Dita 2 : Kairo – Piramidat dhe Sfinksi
Zgjohemi dhe konsumojmë mëngjesin në hotel. Këtu do të bëjmë dhe takimin me guidën tonë vendase.
Pas një mëngjesi të bollshëm, nisemi për të vizituar një prej mrekullive më të mëdha të botës – Piramidat e Gizës. Do të shijojmë pamjen madhështore të Keopsit, Kefrenit dhe Menkaurës, monumente që mishërojnë fuqinë dhe përjetësinë e faraonëve egjiptianë. Do të ndalemi gjithashtu pranë Sfinksit enigmatik, një simbol që bashkon figurën njerëzore me trupin e luanit, duke ruajtur prej mijëra vitesh misteret e Luginës së Piramidave.
Ky është një moment ku historia dhe mitologjia egjiptiane bashkohen në një pamje mahnitëse që mbetet e paharrueshme për çdo vizitor.
Do të konsumojmë drekën. Pas drekës do të kemi mundësi të bëjmë një Vizitë opsionale në Grand Egyptian Museum.
Grand Egyptian Museum (GEM) është një nga atraksionet më të mëdha dhe më mbresëlënëse në botë, duke ofruar një udhëtim të jashtëzakonshëm përmes historisë antike të Egjiptit. I vendosur pranë Piramidave të Giza-s, ky muze monumental është shtëpia e më shumë se 100,000 artefakteve të çmuara, duke përfshirë thesaret e faraonëve më të njohur, përfshirë maska të arta dhe statuja madhështore. Vizitorët mund të përjetojnë një udhëtim të paharrueshëm mes artefakteve të lashta dhe teknologjisë moderne, duke zbuluar misteret e qytetërimit më të vjetër në botë. Me arkitekturën e saj mahnitëse dhe hapësirat e jashtëzakonshme, Grand Egyptian Museum është një destinacion që nuk duhet humbur për çdo dashamirës të historisë dhe kulturës.
Mbrëmjen e kemi të lirë për të pushuar ose për të shijuar atmosferën e qetë të Kairos.
Kthehemi në hotel për të pushuar. Fjetja në Swiss Inn Pyramids Golf 4*.
Vaktet e përfshira : Mëngjesi dhe Darka
Dita 3 : Kairo – Aswan dhe Lundrim në Nil
Zgjohemi dhe konsumojmë mëngjesin.
Pas mëngjesit, do të transferohemi për në aeroport për të marrë fluturimin për në Aswan.
Pasi të mbërrijmë, do të fillojmë vizitat tona me Digën e Madhe të Aswanit, një prej veprave më të mëdha inxhinierike në botë, që kontrollon rrjedhën e lumit Nil dhe ka krijuar Liqenin Naser, një liqen gjigant artificial që furnizon me energji të gjithë Egjiptin jugor.
Më pas do të vizitojmë Parkun e Gurit të Kuq dhe Obeliskun e Papërfunduar, një dëshmi mbresëlënëse e mjeshtërisë së egjiptianëve të lashtë në nxjerrjen dhe përpunimin e granitit, e cila tregon teknikat e sofistikuara të ndërtimit që përdornin më shumë se 3,000 vjet më parë.
Në përfundim të vizitave, do të ngjitemi në kroçerën tonë luksoze me 5*, ku do të akomodohemi dhe do të shijojmë një drekë të këndshme në bord, duke nisur udhëtimin tonë përgjatë lumit më të famshëm të botës.
Në orët e pasdites, do të shijojmë një shëtitje të qetë me felucca, varkën tradicionale egjiptiane. Ky udhëtim ofron një pamje magjike të jetës përgjatë brigjeve të lumit, një moment relaksi pas një dite plot aktivitete.
Këtu do të kemi mundësi dhe për një vizitë opsionale në fshatin Nubian, një udhëtim i paharrueshëm në traditën dhe kulturën e lashtë të Egjiptit.
Konsumojmë darkën në bord dhe Fjetja në Kroçere (Iberotel Crown Empress) 5*.
Vaktet e përfshira : Mëngjesi, Dreka dhe Darka
Dita 4 : Kom Ombo dhe Edfu
Zgjohemi dhe konsumojmë mëngjesin në bord, duke shijuar pamjet e mrekullueshme të luginës së Nilit drejt Kom Ombos.
Paradite kemi mundësi për një vizitë opsionale në Abu Simel. Abu Simbel është një nga monumentet më madhështore dhe më të njohura të Egjiptit, një kryevepër e arkitekturës dhe artit të lashtë egjiptian. Ky kompleks tempulli, i ndodhur në jug të Egjiptit, afër liqenit Nasser, përfshin dy tempuj të mëdhenj të ndërtuar nga faraoni Ramzi II për t’i dedikuar perëndive dhe nderuar veten. Tempulli i madh i Abu Simbel është i famshëm për katër statuja gjigande të faraonit Ramzi II që mbizotërojnë hyrjen dhe të cilat janë një nga pamjet më ikonike të Egjiptit. Ky vend, i cili dikur ishte vendosur në bregun e Nilit, u rrezikua nga ndërtimi i digës Aswan, por me një projekt të madh inxhinierik, tempulli u shpëtua dhe u lëviz për të ruajtur trashëgiminë e tij. Abu Simbel është një eksperiencë e jashtëzakonshme që sjell të gjallë historinë e faraonëve dhe mahnitëse e bukurinë e artit të lashtë egjiptian.
Me të mbërritur pas dreke, do të vizitojmë Tempullin unik të Kom Ombos, një nga monumentet më të veçanta të Egjiptit të lashtë, i ndërtuar në nder të dy perëndive – Sobekut, perëndisë me kokë krokodili, dhe Haroerisit (Horusit të Lartë), perëndisë me kokë shqiponje. Ky tempull dallohet për simetrinë e përsosur dhe për relievet e ruajtura me hollësi, të cilat tregojnë skena të jetës fetare dhe mjekësisë egjiptiane.
Do të shikojmë gjithashtu Nilometrin, një mjet i lashtë i përdorur për të matur nivelin e ujit të lumit Nil – një element thelbësor për bujqësinë dhe jetën në Egjiptin e lashtë.
Pas përfundimit të vizitës, kroçera do të vazhdojë rrugëtimin drejt Edfusë, ndërsa ne mund të shijojmë pamjet e mrekullueshme të lumit gjatë lundrimit.
Në mbrëmje, do të shijojmë një darkë të këndshme në kroçerë, ku do të kalojmë dhe natën.
Vaktet e përfshira : Mëngjesi, Dreka dhe Darka
Dita 5 : Edfu – Esna – Luksor
Zgjohemi dhe konsumojmë mëngjesin në kroçere.
Pas mëngjesit në kroçerë, do të zbresim për të vizituar Tempullin e Edfusë, të dedikuar perëndisë Horus, një nga tempujt më të mirëmbajtur dhe më mbresëlënës të Egjiptit të lashtë. Në këtë tempull madhështor do të admirojmë relievet e ruajtura me përpikmëri dhe arkitekturën monumentale, që dëshmojnë për fuqinë dhe përkushtimin fetar të egjiptianëve të lashtë.
Pas vizitës, kroçera do të vazhdojë rrugëtimin drejt Luksorit, duke kaluar përmes Digës së Esnës, një moment ku mund të shohim nga afër mënyrën se si kroçerat ngrihen dhe ulen nëpërmjet portave të ujit – një përvojë e rrallë inxhinierike përgjatë lumit Nil.
Konsumojmë darkën dhe kalojmë natën në kroçerë.
Vaktet e përfshira : Mëngjesi, Dreka dhe Darka
Dita 6 : Lugina e Mbretërve dhe Kairo
Zgjohemi dhe konsumojmë mëngjesin.
Pas mëngjesit në kroçerë, do të nisemi për të eksploruar Luginën e Mbretërve, një prej vendeve më të rëndësishme arkeologjike në botë dhe vendpushimin e përjetshëm të faraonëve të mëdhenj të Egjiptit të lashtë.
Këtu ndodhen varret e famshme të Tutankhamunit, Ramsesit dhe shumë të tjerëve, të zbukuruara me afreske që tregojnë udhëtimin e faraonëve drejt jetës së përjetshme.
Më pas do të vizitojmë Tempullin e Medinet Habu, të ndërtuar në nder të Ramsesit III, një nga monumentet më të ruajtura që pasqyron fuqinë ushtarake dhe fetare të sundimit të tij.
Do të vazhdojmë me vizitën në Tempullin e Deir El Baharit, një vepër arkitekturore madhështore, dedikuar Mbretëreshës Hatshepsut, gruas që sundoi si faraon dhe la pas një trashëgimi të jashtëzakonshme.
Tempulli i saj, i gdhendur në shkëmb, është një nga shembujt më të bukur të harmonisë mes natyrës dhe arkitekturës egjiptiane.
Pas kësaj, do të ndalemi pranë Kolosëve të Memnonit, dy statuja gjigante që qëndrojnë si rojtarë të heshtur të Luginës, duke mbartur legjenda të lashta dhe rrëfime që kanë kaluar brez pas brezi.
Në fund do të vizitojmë tempujt e Karnakut dhe Luksorit. Tempulli i Karnak, një kompleks i madh dhe madhështor në qytetin e Luxorit, është një nga komplekset fetare më të mëdha të ndërtuara ndonjëherë. Ky tempull është një testament i lavdisë dhe fuqisë së faraonëve të Egjiptit të Lashtë, i dedikuar perëndisë Amu, dhe përfshin një mori oborresh, sallash, dhe kolona të mëdha, përfshirë Kolonat e Madha të Hypostyle. Karnak është një vend që pasqyron zhvillimin e artit dhe arkitekturës egjiptiane për shekuj me radhë, me gjithsej 30 faraonë të cilët kontribuan në ndërtimin e tij. Tempulli i Luksorit, i ndodhur vetëm disa kilometra larg nga Karnak, është një tjetër shembull i jashtëzakonshëm i arkitekturës egjiptiane. I ndërtuar gjatë periudhës së faraonëve, ky tempull është një vend i shenjtë që nderon perëndinë Amon, dhe është i njohur për skenat e tij të bukura të gdhendura në mure dhe për dekorimet e tij të jashtëzakonshme. Tempulli i Luksorit është veçanërisht i njohur për shëtitjen e tij të mrekullueshme nëpër të, të quajtur “Avenue of Sphinxes”, që lidh këtë tempull me Tempullin e Karnak-ut.
Pasdite, do të transferohemi për në Aeroportin e Luksorit për fluturimin drejt Kairos.
Akomodohemi në hotel dhe kalojmë natën në Swiss Inn Pyramids Golf 4*.
Vaktet e përfshira : Mëngjesi dhe Darka
Dita 7 : Nisja nga Egjipti
Zgjohemi dhe konsumojmë mëngjesin.
Pas mëngjesit në hotel, do të nisemi për në aeroportin e Kairos me kujtimet dhe mbresat më të bukura nga ky udhëtim fantastik.
Vaktet e përfshira : Mëngjesi
Paketa të kuruara me kujdes për çdo moshë dhe interes
Superior / 5
