Udhëtim në Bukuresht & Sofie – 175€

Itinerari

Dita 1: Nisja nga Shqipëria – Fillimi i Aventurës Ballkanike

Udhëtimin tonë e nisim në mbrëmje rreth orës 20:00 nga Shqipëria drejt Bullgarisë, të gatshëm për një aventurë të veçantë që lidh kulturat e Ballkanit në një përvojë të vetme. Pas mbledhjes së grupit dhe takimit me stafin shoqërues, kalojmë kufirin me Maqedoninë e Veriut dhe vazhdojmë rrugën drejt Sofies. Gjatë natës bëhen ndalesa për pushim, duke e bërë udhëtimin sa më të rehatshëm. Ky është vetëm fillimi i një udhëtimi që premton ngjyra, histori dhe surpriza në çdo hap.

Dita 2: Zbulimi i Sofias dhe Mbërritja në Bukuresht

Në mëngjes mbërrijmë në Sofie, kryeqytetin e Bullgarisë, një qytet që ndërthur historinë e lashtë, trashëgiminë dhe gjallërinë moderne. E vendosur në këmbët e malit Vitosha, Sofia të befason me kontrastin mes arkitekturës monumentale dhe atmosferës së qetë të shesheve e parqeve të saj.

Nën udhëheqjen e guidës tonë, zbulojmë disa prej thesareve më të rëndësishme të qytetit:

• Katedralja Aleksandër Nevski – Simboli i Sofies dhe një nga kishat ortodokse më të mëdha të Ballkanit, me kupolat e arta dhe mozaikët e pasur të brendshëm.

• Teatri Kombëtar Ivan Vazov – Një perlë arkitekturore me stil neoklasik, zemër e kulturës dhe artit bullgar.

• Parku i Qytetit (City Garden) – Një hapësirë e gjelbër mes qytetit, ideale për një ndalesë të qetë e për të parë jetën urbane që rrotullohet përreth.

• Bulevardi Vitosha – Rruga pedonale më e famshme e Sofies, plot dyqane, restorante dhe atmosferë moderne.

Pas eksplorimit të qytetit, shijojmë një drekë tradicionale bullgare dhe më pas nisim udhëtimin drejt Bukureshtit.
Në mbërritje bëjmë akomodimin në hotel dhe kemi kohë për pushim, duke u përgatitur për një ditë të mbushur me kulturë dhe emocione.

Dita 3: Bukureshti – Traditë, Histori dhe Modernitet

Pas mëngjesit në hotel, zbulojmë kryeqytetin rumun, shpesh i quajtur “Parisi i Vogël i Lindjes” për arkitekturën madhështore dhe bulevardet e gjera.
Nën shoqërimin e guidës shqiptare dhe asaj lokale, udhëtimi ynë na çon në pikat më të rëndësishme të qytetit:

• Bulevardi Unirii – Një nga më të gjatë në Europë, i projektuar për të rivalizuar Champs-Élysées.

• Pallati i Parlamentit – Ndërtesa administrative më e madhe në botë, simbol i epokës së Ceaușescut.

• Sheshi i Revolucionit – Vendi historik ku nisi fundi i regjimit komunist në vitin 1989.

• Ateneumi Rumun – Një sallë koncertesh madhështore, simbol kulturor i Rumanisë.

Pas drekës, vazhdojmë me vizitat tona:

• Parku Herăstrău (Regele Mihai I Park) – Një hapësirë e gjelbër e shtrirë rreth liqenit, ideale për shëtitje dhe pushim.

• Harku i Triumfit – Monument kombëtar që ofron pamje panoramike të Bukureshtit.

• Băneasa Shopping City – Një nga qendrat tregtare më moderne, për blerje dhe kohë të lirë.

Në mbrëmje, shëtisim në Qytetin e Vjetër (Centrul Vechi), zemra e jetës sociale të Bukureshtit, me rrugica me kalldrëm, ndërtesa historike, restorante dhe kafene plot gjallëri. Mbrëmjen e mbyllim me një darkë tradicionale rumune, shoqëruar me atmosferë autentike dhe muzikë.

Dita 4: Kthimi në Shqipëri

Pas mëngjesit në hotel, nisim udhëtimin e kthimit përmes Bullgarisë dhe Maqedonisë së Veriut.
Gjatë rrugës bëjmë ndalesa të planifikuara për pushime, drekë dhe momente panoramike.
Mbërritja në Shqipëri parashikohet në orët e para të mëngjesit të ditës pasardhëse, duke përmbyllur një udhëtim të mbushur me histori, kulturë dhe kujtime të paharrueshme nga kjo fundjavë.