Udhëtim në Dubrovnik, Krka, Split dhe Mostar – 3 Ditë – 155€

Itinerari

Dita 1: Udhëtimi drejt Adriatikut – Tivat dhe Dubrovnik

Udhëtimin tonë e nisim herët në mëngjes, në orën 04:30 nga Elbasani dhe 05:30 nga Tirana, të përgatitur për një aventurë të paharrueshme drejt brigjeve të Adriatikut. Pasi bashkohemi me grupin dhe stafin shoqërues, lëmë pas Elbasanin dhe Tiranën për të hyrë në territorin piktoresk të Malit të Zi. Pas disa orësh udhëtim mes peizazheve bregdetare dhe malore, ndalojmë për një shëtitje në Porto Montenegro, një nga portet më luksoze në rajon. Jahtet elegante, butiket dhe kafet me pamje nga marina krijojnë një fryme relaksuese pushimesh.

Më pas kemi një kalim të shkurtër por shumë të këndshëm me traget nga Lepetane në Kamenari, ku deti, ajri i freskët dhe panorama e gjirit na japin një dozë magjie mesdhetare.

Do të gjendemi në Dubrovnik, i njohur si “Perla e Adriatikut”, ky qytet mesjetar i rrethuar nga mure madhështore të çon në një tjetër botë. Eksplorojmë rrugën e famshme Stradun, kalatë, portat mesjetare dhe kafetë tradicionale me pamje nga deti.

Gjatë rrugës bëjmë ndalesën e rradhës tek Ura Franjo Tuđman, mbi Dubrovnik, ku kemi mundësi të shikojmë pamje panoramike dhe të bëjmë foto, vazhdojmë rrugën përgjatë bregdetit në itinerarin Neum, Ploce, Neretva, Bacinska Jezera dhe Makarska Rivijera.

Mbrëmja na gjen në Makarska, ku do të konsumojmë darkën dhe do të kemi kohë të lirë të shplodhemi.

Dita 2: Magjia e natyrës në Parkun Kombëtar Krka dhe Split

Pas një mëngjesi të këndshëm me pamje nga deti, nisim ditën me një vizitë në një nga mrekullitë natyrore të Kroacisë – Parkun Kombëtar Krka. I njohur për ujëvarat spektakolare dhe rrugicat e gjelbërta, ky park na ofron një përvojë që ndërlidh qetësinë, bukurinë dhe energjinë natyrore. Ecim pranë ujërave të kristalta, dëgjojmë cicërimat e zogjve dhe shijojmë një ndjesi të rrallë harmonie me natyrën.

Pas disa orësh në park, kemi mundësinë të relaksohemi dhe të shijojmë një drekë në afërsi të zonës.

Udhëtimi ynë vazhdon drejt Splitit, një qytet historik dhe një nga perlat e Adriatikut. Shëtisim në zemrën e qytetit të vjetër, ku Kalaja e Dioklecianit na çon pas në kohë, në epokën romake. Rrugicat me kalldrëm, ndërtesat historike dhe riviera plot jetë na ofrojnë një përzierje perfekte të historisë dhe modernitetit.

Pasditja mbyllet me rikthimin në hotel, ku na pret një tjetër darkë relaksuese dhe përgatitemi për ditën e fundit të këtij udhëtimi të jashtëzakonshëm.

Dita 3: Dubrovniku i paharrueshëm dhe kthimi në Shqipëri

Pasi përshëndetemi me hotelin dhe bëjmë check-out, nisim rrugën drejt një nga qyteteve më mbresëlënëse të Bosnje-Hercegovines – Mostarit. Mostari na magjeps me urën e tij ikonike që bashkon brigjet e qytetit dhe historinë e shekujve. Shëtisim përgjatë rrugicave me kalldrëm, mes aromës së kafes orientale dhe punimeve artizanale që pasqyrojnë kulturën lokale. Nga Ura e Vjetër mund të admirojmë pamje mahnitëse mbi lumin Neretva.

Pas kësaj vizite mbresëlënëse, nisim udhëtimin e kthimit drejt Shqipërisë, nga rruga bregdetare sipër Gjirit të Kotorrit.

Mbrëmja na gjen sërish në atdhe, të lodhur por të mbushur me kujtime të paharrueshme nga tre ditë udhëtim që na sollën bashkë natyrën, historinë, relaksin dhe emocionin.