Udhëtim në Tamarë dhe Lëpushë

     Udhëtim në Tamarë – Lëpushë – 8€/personi

• Takimi dhe nisja nga Elbasani përballë kalasë, pranë Rrapit të Bezistanit në orën 05:30.
• Takimi dhe nisja nga Tirana pranë stadiumit “Dinamo” në orën 06:30.
  
  Nisja në datat:
  20, 21, 27, 28                        Mars
  3, 4, 10, 11, 17, 18, 24, 25    Prill

-Udhëtimi në Tamarë – Lëpushë fillon me  rrugën drejt Alpeve Shqiptare. Guida turistike do të na mundësojë të shohim një shumëllojshmëri peisazhesh që na japin një tablo të mrekullive natyrore që kjo zonë na ofron. Ndalesa e parë do të kryhet në Leqet e Hotit, tek e ashtuquajtura “Ballkoni i Enverit”, për të shijuar pamjen magjepsëse të zonës së Kelmendit. Më pas udhëtimi ynë vazhdon me rrugën e bukur drejt Lëpushës.

-Pas mbërritjes në Lëpushë, rreth orës 11:30 kemi kohë të lirë për aktivitete të ndryshme në natyrë si: Piknik, futboll, volejboll, ecje malore, hiking, eksplorim i zonës etj. Gjithashtu në Lëpushë do të keni mundësi të shijoni drekën dhe të provoni produktet “bio” të zonës.

-Pas vizitës në fshatin e Lëpushës, i drejtohemi fshatit alpin të Tamarës.

-Tamara është fshati më i madh i zonës. Ky vend e ka marrë emrin nga gruaja e veizit të Shkodrës, i cili ndërtoi edhe urën e Tamarës aty pranë. Në Tamarë do t’ju jepet mundësia të shijoni qendrën e restauruar të fshatit dhe të shijoni ushqime tradicionale të zonës në njërin prej restoranteve në qendër të fshatit turistik. A

-Pas vizitave në Tamarë dhe Selcë, guida turistike vazhdon drejt Tiranës dhe Elbasanit me ndalesa të shkurtra përgjatë rrugës për kafe dhe tualet.

Fundi i ekskursionit ditor Tamarë – Lëpushë.