Shqiperia Juglindore, aventure Off-Road

Udhetim  Shqiperia Juglindore aventure Off-Road – 80€/personi

► Nisja nga Elbasani ne oren 07:00 përballe portës së Kalasë, pranë rrapit të Bezistanit
► Nisja nga Tirana ne oren 08:00 mbrapa Stadiumit “Dinamo” përballë Proper Pizza

Fuoristradat tona mund t’i dalloni prej logos “Elite Mobility” ose “Elite Travel Agency”

Dita e parë

Pas takimit me guidën tuaj fillon edhe aventura jonë me fuoristrada. Fillimisht do i drejtohemi Beratit me ndalesën e parë për kafe edhe panoramik të qytetit të gurtë.
-Kjo aventurë off-road do ju çojë në drejtim të Kanioneve te Osumit. Duke shijuar panoramën mbresëlënëse i drejtohemi Policanit,Corovodës dhe nëpërmjet rrugës së maleve përgjatë Ali Postivanit vazhdojmët në drejtim të Përmetit
-Kohë e lirë për drekë (Sugjerohet piknik personal me vete përgjatë rrugës)
-Mbërritja ne destinacionin , Fshati Benjë ku e gjithë dita do jetë vetëm e jona për të shijuar mrekullitë natyrore dhe kurative të Ujërave Termale.Katër burime që përdoren për sëmundjet kronike të reumatizmave (artikulare), një burim për sëmundjet e stomakut dhe një burim për sëmundjet e lëkurës. Njëri prej burimeve shërben edhe për trajtimin e sëmundjeve të stomakut, ndërsa një tjetër për trajtime të lëkurës. Trajtime të tjera janë për sëmundjet kronike të remautizmës. Temperatura e ujërave varijon 26-32°C. Ujërat me bazë sulfurorë kanë efekte shumë të larta kuruese, specialistët i mbajnë si më të mirat në Evropë. Shfrytëzimi i parë i këtyre ujërave me përmbajtje biokarbonatike është bërë që prej vitit 1964.
-Transfertë në drejtim të Përmetit
-Vizitë e qytetit të luleve dhe kohë e lirë për darkë
-Fjetja në hotel në Përmet

Dita e dytë

-Fillojmë ditën me mëngjesin në hotel.
Pasi lemë qytetin e luleve, i drejtohemi Grykës së Këlcyrës. E njohur ndryshe si parajsa e 1001 burimeve Gryka e Këlcyrës është një tjetër mrekulli që na ofron natyra Shqiptare. Me ndalesa për fotografi përgjatë rrugës panoramike mbërrijmë në Tepelenë.
-Këtu fillon edhe aventura jonë e ditës ku do të marrim drejtimin nga Bënça për në Progonat e Nivicë duke kaluar nëpër kanionet e Nivicës pranë Lumit të Vlorës, duke përfunduar në qytetin e Vlorës. Kanionet ndodhen në afërsi të fshatit Nivicë të Tepelenës. Kanë gjatësi deri në disa kilometër, gjerësi mesatare rreth 15m, ndërsa thellësia varion sipas shtegut malor ku kalon lumi dhe shkon deri në disa dhjetëra metra.Pamja e tyre madhështore dhe gjelbërimi në të dyja anët e tyre, i bëjnë ato kaq tërheqëse.
-Kohë e lirë për drekë (Sugjerohet “snacks” me vete deri në momentin që arrijmë në Restorantet e para ku mund të konsumojmë drekën)
-Pas mbërritjes ë Vlorë kemi kohë të lirë për të vizituar qytetin dhe atraksionet kryesore dhe i drejtohemi sërish Tiranës.

-Fundi i programit Shqiperia Juglindore aventure Off-Road

Faleminderit që zgjodhët Elite Travel Agency!